Covid-19

Statistiek vir Suid-Afrika soos op 18-06-2021: Infeksies: 1 786 079, Sterfgevalle: 58 323

Vlak 3 geld vanaf Woensdag 16 Junie 2021.
Dit is vanweë die derde vlaag van Covid-19-infeksies wat in Junie 2021 begin het.

1. DIE WET

Van die belangrikste reëls is (vanaf Woensdag 16 Junie 2021):

  • Die aandklokreël geld tussen saans om 22:00 en soggens om 4:00 Restaurante moet saans om 21:00 sluit!
  • Godsdienstige, politieke, sosiale en kulturele byeenkomste mag binnenshuis slegs 50 mense huisves en buitelugbyeenkomste is tot net 100 mense beperk. Waar ’n perseel te klein is om dié getalle met ’n voldoende afstand tussen mense te akkommodeer, mag ’n perseel net 50% vol wees.  LET WEL:  Mense mag nie na kerkdienste (by die kerk?) oorslaap nie. Die regulasies sê niks van slaap tydens die kerkdienste nie.
  • Alkohol (vir wegneem) mag slegs van Maandae tot Donderdae tussen 10:00 en 18:00 verkoop word. Restaurante mag wel alkohol bedien mits dit daar en dan gedrink word.  Die half-bottel wat teen 21:00 oor is, mag nie huistoe geneem word nie. Wynplase (met die nodige lisensie) kan steeds wyn vir wegneem oor naweke verkoop. Geen alkohol mag in die openbaar (strande, parke) gebruik word nie.
  • Maskers moet ten alle tye in die openbaar gedra word.  Dit is nou ‘n misdaad om sonder ’n masker in die openbaar te verskyn.
  • Begrafnisse is wettig, maar nagwake voor en byeenkomste na ’n begrafnis bly steeds verbode. Die beperking vir begrafnisse (predikant, koster, orrelis en begrafnisondernemer ingesluit!) is net 50 mense en dit mag ’n maksimum van twee ure duur.
  • Huwelike:  Aangesien beide godsdienstige en sosiale byeenkomste vir groepe van tot 50 toegelaat word, mag huwelike (met gaste) bevestig word. Die Departement van Binnelandse Sake is oop. Huwelike kan dus geregistreer word – trouens dit moet nou weer (soos die regulasies vereis) binne drie dae na die huwelik by die Departement van Binnelandse Sake geregistreer word.

2. NOODNOMMERS

Nasionale Instituut vir Oordraagbare Siektes 080 002 9999
WhatsApp 060 012 3456
Suid-Afrikaanse Polisiediens 086 001 0111
Tygerberg Hospitaal 021 938 4911
Water en Sanitasie 080 020 0200
Nasionale Krisislyn 086 132 2322
Onwettige prysverhogings 080 014 1880
Geslagsgeweldnoodlyn 080 042 8428
*120*7867#
Presidensiële blitslyn 17737

3. SPESIALE HULP VAN DIE NG KERK IN SA

Finansiële hulp is beskikbaar vir gemeentes (nie vir gemeentes wat verwag dat hulle gaan swaarkry nie, maar vir gemeentes wat reeds swaarkry!):  PDF

4. RIGLYNE, OMSENDBRIEWE EN GEBEURLIKHEIDSPLANNE

5. BRUIKBARE VIDEO’S

Daar is letterlik honderde video’s beskikbaar oor Covid-19 en die pandemie. Klik maar net “Corona” of “Covid-19” op YouTube en jy sal jou hele kwartantyntydperk genoeg video’s hê om na te kyk. Onderstaande is een van die beter videos. Dit som die verskillende aspekte mooi op en die grafika is goed. Dit is aflaaibaar (58 MB) MP4

6. BRUIKBARE PLAKKATE

  • Wes-Kaap se Regering (in drie tale): PDF
  • Die Wêreldgesondheidsorganisasie (WHO) se riglyn om hande te was: PDF
  • Alexander Forbes het twee oulike plakkate (in Engels): PDF
  • Badisa: Infografika oor Covid-19: PDF
  • Badisa: Noodnommers wat gebel kan word: PDF
  • Badisa: Nota aan besoekers om hulle hande te was: PDF
  • Badisa: Herinnering aan almal om hande te was: PDF

7. BRUIKBARE WEBWERWE

8. BRUIKBARE PRENTE OF “INFO GRAPHICS”